Vrydag, 13 Maart 2020 was vrolik, gesellig en kleurvol in FARR se kantoor op Leeu-Gamka. ‘n Groep ”ouma’s / versorgers” het die oggend gebruik om hout harte te verf vir ons projek se kliënte op die HMHB© program. Tydens die 2e sessie van hierdie program, kry elke kliënt ‘n hart waarop sy haar naam en later, na die baba se geboorte, ook haar baba se naam kan skryf. Hierdie harte wat aanvanklik ons kantore verfraai, word na afloop van die 9-maande babakliniek, die kliënt se eiendom. Ons is opreg dankbaar vir ons befondser, AWARE.ORG sonder wie die aangename geleentheid nie moontlik sou wees nie.